HTML Editors

Estimated reading: 1 minute

ဝၼ်းမိူဝ်ႈၼႆႉ မီးၶိူင်ႈမိုဝ်းပုၼ်ႈတႃႇတႅမ်ႈ HTML တၢင်းၼမ်။ တႄႇဢဝ်ၶိူင်ႈမိုဝ်းဢၼ်ၵိုၵ်းမႃးၼႂ်းၶွမ်း မိူၼ်ၼင်ႇ Notepad (Windows) လႄႈ TextEdit (Mac)။ လိူဝ်သေၶိူင်ႈမိုဝ်းဢၼ်ၵိုၵ်းမႃးၸွမ်း OS ယဝ်ႉ ပႃႈတႂ်ႈၼႆႉပဵၼ်သဵၼ်ႈမၢႆ Software ၸိုဝ်ႈလင်ဢၼ်မီးၽူႈၶူင်သၢင်ႈ (developer) တၢင်းၼမ်ၸႂ်ႉပုၼ်ႈတႃႇႁဵတ်းဝႅပ်ႉ။

1. Notepad++

Notepad++ ပဵၼ်ၶိူင်ႈမိုဝ်း open-source ပုၼ်ႈတႃႇၶွမ်းၸိူဝ်းပဵၼ် Windows OS။

ပဵၼ် code editor ဢၼ်မဝ် လႄႈ ႁဵတ်းၵၢၼ်ဝႆး
ၵမ်ႉထႅမ်ၵၢၼ်သႂ်ႇ plugin ပုၼ်ႈတႃႇႁဵတ်းၵၢၼ်လၢႆႈလၢၵ်ႇလၢႆးမႃးလိူဝ်ၵဝ်ႇ
ၵမ်ႉထႅမ် FTP ဢၼ်ႁဵတ်းႁႂ်ႈၽူႈၶူင်သၢင်ႈၸၢင်ႈ upload ၶေႃႈမုၼ်းၶိုၼ်ႈၼိူဝ် server files ၵမ်းသိုဝ်ႈလႆႈ

2. Sublime

Sublime Text ပဵၼ်ပူဝ်ႇၵႅမ်ႇ text editor ၸိုဝ်ႈသဵင်လင်သုတ်းဢၼ်ၼိုင်ႈ ပုၼ်ႈၽႃႇတႅမ်ႈ code ၵူႈလွင်ႈလွင်ႈ။ ပူဝ်ႇၵႅမ်ႇၼႆႉသႂ်ႇမႃးပႃး –

ၵမ်ႉထႅမ်သႂ်ႇပၼ် code ႁင်းၵူၺ်း (smart auto-completion) မိူဝ်ႈတႅမ်ႈ code
ၵမ်ႉထႅမ်ၵၢၼ်သႂ်ႇသီ code (syntax highlighting) တႃႇႁႂ်ႈဢၢၼ်ႇ code ငၢႆႈ
တူဝ်ၶူၼ်ႉႁႃ (search) code

3. Atom

Atom ပဵၼ်ပူဝ်ႇၵႅမ်ႇ text editor ဢၼ်ၸိုဝ်ႈလင်သုတ်းဢၼ်ၼိုင်ႈၼႂ်းလုမ်ႈၾႃႉ ယွၼ်ႉပိူဝ်ႈဝႃႈမၼ်းပဵၼ် ပူဝ်ႇၵႅမ်ႇ free ဢၼ်မီး features ပုၼ်ႈတႃႇတႅမ်ႈ code လႆႈတၢင်းၼမ် လႄႈ ၵမ်ႉထႅမ် Windows ၊ Mac ၊ လႄႈ Linux။

မီးၶိူင်ႈမိုဝ်း package manger ၼမ်လိူဝ် 80 တူဝ်ၵိုၵ်းမႃးၸွမ်းပူဝ်ႇၵႅမ်ႇ
ၵမ်ႉထႅမ်ၸႅၵ်ႇၼႃႈလိၵ်ႈ interface ဢွၵ်ႇပဵၼ်လၢႆဢၼ်လႆႈ ပုၼ်ႈတႃႇၵၢၼ်တႅၵ်ႈၼိူင်း code ဢမ်ႇၼၼ် ႁဵတ်းၵၢၼ်ၸွမ်း ၾႆႇလၢႆလၢႆဢၼ်မိူဝ်ႈလဵဝ်ၵၼ်
ၵမ်ႉထႅမ်ၵၢၼ်သႂ်ႇသီ code (syntax highlighting) တႃႇႁႂ်ႈဢၢၼ်ႇ code ငၢႆႈ
ၵမ်ႉထႅမ်သႂ်ႇပၼ် code ႁင်းၵူၺ်း (smart auto-completion) မိူဝ်ႈတႅမ်ႈ code

4. Visual Studio Code

Visual Studio Code ပဵၼ်ပူဝ်ႇၵႅမ်ႇ text editor open-source လုၵ်ႈတီႈ Microsoft။ ပူဝ်ႇၵႅမ်ႇၼႂ်ႉၸႂ်ႉလႆႈၼႂ်း Windows ၊ Mac ၊ လႄႈ Linux။

မီးၶိူင်ႈမိုဝ်း debugging ၼႂ်းတူဝ်ပုၼ်ႈတႃႇ တႅမ်ႈ၊ လဵၼ်ႈ၊ လႄႈ ထတ်းလွင်ႈၽိတ်းပိူင်ႈၼႂ်း code
ၵမ်ႉထႅမ် WYSIWYG editor
ၵမ်ႉထႅမ်ၵၢၼ်ႁဵတ်း project လၢႆလၢႆဢၼ်မိူဝ်ႈလဵဝ်ၵၼ် (multi-root workspace)

HTML Editors

1. Notepad++

2. Sublime

3. Atom

4. Visual Studio Code

Leave a Comment Cancel reply